Binding: Sag
Illustrasies: Nee
ISBN: 9781869193119
Publikasiejaar: 2009
Bladsye: 93
Die titel van hierdie bundel is veelseggend, want in hierdie debuut lê Jelleke Wierenga talle menslike swakhede bloot: haar eie, dié van mense na aan haar en ook dié van die nuwe politieke bewind. Sy skryf met ’n drif en vernuftigheid en voer die swakhede soms tot komiese uiterstes, veral wanneer sy klaarspeel met die verraad en ydelheid van minnaars. Tog bly die oorheersende indruk dié van ’n menslike kyk na ander mense. Wierenga steek egter nie in die persoonlike vas nie, maar takel op moedige wyse openbare kwessies. Wanneer sy dit het oor die onreg aan ander, die vernieling van die omgewing en die vernietiging van lewende wesens, skryf sy met ’n vreesloosheid en drif wat van hierdie bundel iets besonders maak. So skryf sy oor die uitkap van uitheemse bome: bome my bome
julle ledemaat lank
en plooitjie
onder julle arms en bene
soos ons
en julle pers trosse
trane vloei
deur die strate
en julle krone lê kruise
op die grond
|
Protea Boekwinkel Online 
